fbpx

念念不亡同香港中文大學通識教育部《莊子•內篇》共讀計劃 @daoseminar_cuhkge 合辦嘅「笑・亡書 – 莊子 x 心理學」工作坊圓滿結束啦😆!

今次嘅工作坊由「秦失哭老」嘅故事做引入。文章入面帶出咗我哋應該從容應對時局流變,情緒就唔會侵襲內心🧘🏻‍♂️🧘🏻‍♀️。而念念不亡就在利用心理學嘅角度分析文章,引導參加者去思考哀傷時嘅情緒表達同埋對死亡嘅睇法。我哋希望令大家明白到面對哀傷嘅時候,我哋應該嘗試唔受外在環境嘅影響之下表達同埋面對自己內心嘅真正情緒。

我哋首先鼓勵參加者去畫出喺佢哋心目中死亡究竟係點樣🎨。而我哋亦讓參加者去認識唔同種類嘅哀傷,包括我哋之前提及過嘅單純嘅哀傷(Normal grief)同埋複雜性嘅哀傷 (Complicated grief)。之後我哋亦都討論咗唔少同哀傷有關嘅議題,包括左一啲親人去世時唔悲傷嘅原因。

喺活動嘅尾聲,我哋邀請參加者去進一步了解自己嘅悲傷模式,包括直覺式悲傷(intuitive grief)同埋工具式悲傷(instrumental grief)。除此之外,我哋都鼓勵參加者按自己嘅心情去選擇卡片嘅顏色,再喺卡片上分享自己嘅哀傷模式同埋對哀傷嘅諗法🤔💭。

我哋好高興可以喺活動入面聽到參加者分享一啲屬於自己嘅個人經驗❤️‍🩹,亦有參加者分享對於死亡嘅一啲睇法。有啲參加者覺得死亡係未知嘅,有啲就相信係一個自然嘅過程,而有啲就認為我哋要努力同勇敢地去面對死亡⚰️🪦。

哀傷嘅感覺可以維持好耐,而死亡亦都係一個好複雜嘅議題。而念念不亡希望可以係你經歷緊哀傷嘅時候,做到你嘅聆聽者同埋同行者🫂。

嚟緊我哋會舉辦更加多相關嘅活動,令大家可以一齊分享更多對生死同哀傷嘅一啲睇法。好期待未來會見到大家🌟!

#生命意義#生命#死亡#生死教育#親友離世#思念#永恆#哀傷#痛苦#愛#認知行為治療#意義治療#單純的悲傷#複雜性悲傷#Grief#normalgrief#complicatedgrief#莊子#CBT#Logotherapy#念念不亡#GriefMeLight#love#心理學#psychology#心理健康#mentalhealth#中文大學